Desde güei voi recopilar nesti blog dellos rótulos que nos dexó la década de los setenta na benemérita, invicta, heroica, buena, mui noble, mui lleal, y añado, vintage ciudad d’Uviéu.

Caleyando por Uviéu dime cuenta de que queden un buen puñáu de llocales y comercios cuyos rótulos destilen un maravillosu sabor “a vieyo”. Pura cultura basura condensada en cuatro lletres de neon pero cultura al fin y al cabu.

Un de los más prestosos ye’l de la zapatería infantil “Chavalín” na cai Uría. La tipografía pop y les columnes y techos de metal son 70s a más nun poder. Llueu ta lo del guaje calcáu al de Repostería Martínez, ¿copia o coincidencia?.