La pastelería “Jarama“: un clásicu ovetense na cai Campomanes. Y la pura verdá ye que los pasteles tán cojonudos. Amás la fachada, l’escaparate y esi rótulo tan mui llograos y permanecen igual que cuando yo los miraba de guaje. Negru y oro, xente fino los de Jarama.

Esta dedíco-y-la a la tercer edá, esa época donde les persones completen un ciclu vital y vuelven a ser auténticos teens. Les pasteleríes faen l’agostu colos vieyos, especialmente los domingos cuando salen como n’hordes. Ye un negociu por una cosa tan simple como qu’ellos nunca van dir a tomar un simple cafetín, ellos van a MERENDAR, asina con mayúscules!!.

Navarro Opticos tien unes cuantes tiendes n’Asturias pero ami la que más me presta ye l’antigua de la cai Uría. Por esa especie de marquesina 70s pafuera que nun ye mui habitual y pol encantu de los llugares rotos y abandonaos.

El diseñu del cartel ye siempre igual en toles sucursales y mantiénenlu incluso nes que van remodelando, amás nesti añaden-y un mosaicu pop por encima y tres reloxes embaxo, ¡toma ya!.

Electrónicos 2000 na cai la Luna. Nun podía faltar una semeya d’un de los paraisos teen por escelencia: la sala máquines. Pang, Cadillac and Dinosaurs, Street Fighter son nomes que vos sonaran a munchos de los de la mio xeneración, y sobre toles coses: el futbolín.

El cartelu (de cuando l’añu 2000 tava tovía bian lloñe) ya nun esiste porque demolieron la fachada.

Texíos El Mundo ta nel 4 de la cai Fruela. La pena ye que no tengo un buen oxetivu pa sacar curioso tola estupenda fachada a rombos, ¿hay daqué mas retro que los rombos?.
Amás esti rótulu tan pop ilumínase pela nueche y ye cuando alcanza tol so esplendor.

La empresa ye clásica n’Uviéu o al menos pa mio ma. Camos que yo de El Mundo tengo dellos edredones, coxines, sábanes etc. Echa-y una güeyada a la so web:
http://www.tejidoselmundo.com/

“Casino”, zápatería con solera na cai Palacio Valdés. El casino paez talmente de Nueva Orleans. Pero non, nun ta en Nevada, ta n’Uviéu. Mira-y tamien l’afición del simpáticu alcalde llocal Gabino de Llorenzo por pintarraxear cutremente les fachaes. Hai que compra-y unos plastidecor ¿nun vos paez?.

Caleyando por Uviéu dime cuenta de que queden un buen puñáu de llocales y comercios cuyos rótulos destilen un maravillosu sabor “a vieyo”. Pura cultura basura condensada en cuatro lletres de neon pero cultura al fin y al cabu.

Un de los más prestosos ye’l de la zapatería infantil “Chavalín” na cai Uría. La tipografía pop y les columnes y techos de metal son 70s a más nun poder. Llueu ta lo del guaje calcáu al de Repostería Martínez, ¿copia o coincidencia?.